مو طبيعي هالسكوت وهالبـرود وهالسكـون ..!؟؟!!

كل شبر ابها الوسيعهـ ملـكـ ربـي تعلميـن

وأعلم إن اللي خلقني هو خلق لـكـ هالعيـون

لكن انتي من جلستي وانتـي فينـي تحدقيـن

كن ما بهـ ناس غيري بهالكراسـي يجلسـون

لو سمحتي عاد سمعي وحتى لو ما تسمحيـن

المهـم اللـي بقولـهـ تسمعينـهـ ويسمعـون

ع الأقل ليا نظرتكـ سـوي روحـكـ تستحيـن

غضي طرفكـ مثل غيركـ خوف ربعي يلمحون

الركادهـ عاد زينهـ والحياء فـي البنـت زيـن

وفيـكـ انتي لا ركـادهـ ولا حيـاءٍ يـذكـرون

تعرفينـي؟ أعرفـكـ؟ مذكـر إنــا ملتقـيـن

لا أعرفكـ من تكوني ولا تعرفي مـن أكـون

وإطمأني أن كان قصدكـ بس فينـي تشبهيـن

ما هـو أنـا إلي تعرفيـهـ والبشـر يتشابهـون

مـا دريتـي من التشابـهـ يخلـق اللهـ أربعيـن

وأعرف أربع يشبهنكـ بـس واللهـ يستحـون

وإن كان قصدكـ شي ثاني عاد قولي وش تبين

خايف إنا نصير فرجهـ وإللي ماشتروا يتفرجـون

وإذا ع البال عاجبتنـي لا يحوشـكـ تحلميـن

صدق ربعي من جمالكـ فيـكـ صـار يمدحـون

بس وش لي في حلاتكـ دام فيهـا ترخصيـن

حشمة البنـت وحياهـا والكرامـهـ يلفتـون

ولو توفر فيكـ هـذا مـع حلاتـكـ تبشريـن

ما هو أنا ألف غيري بـاب بيتـكـ يطرقـون

وش علامكـ رغم كل اللي أقولـهـ وتسكتيـن

مو طبيعي هالسكوت وهالبـرود وهالسكـون

إنتـي خرسـا أسألـكـ ولا مانـكـ تسمعيـن

قالوا ربعي ( ذي كفيفهـ) قلـت لا لا تمزحـون

لين شفتكـ يوم رحتـي يمسكونـكـ باليديـن

ما دريت إلا عيونـي أربـع أربـع ينزفـون

آهـ ياني منهـ مشهـد يـوم شفتـكـ ترحليـن

جيت اشوف عيون ربعي كلها لكـ يدمعـون

قلت سنّـة هالحيـاة وحـن ترانـا مؤمنيـن

اللهـ اللـي مسيّرنّـا بيـن ك وبيـن نــون

وكل أبونا نختلف مع إننا مـن أصـل طيـن

سبحان اللي مصورنا وللهـ في خلقـهـ شـؤون

يعني حنا كل أبونـا عـاد إسمنـا بنادميـن

وليا قضى ربكـ أمر وقـال لـهـ كـن فيكـون

فينـا يلـي رازقنـهـ خيـر رب العالمـيـن

وفينا يلي هو لعطفهـ بحاجة القلـب الحنـون

وفينا يلي مـا شكـى مـن علـةٍ كالآخريـن

صـمٌ وبكـمٌ وعمـيٌ فـهـم لا يفقـهـون

بس قليل عـاد فينـا للنعـم هـم شاكريـن

واللهـ يرزق هالخلايق من حيث هم لا يعلمون

وتدري عاد يالكفيفة حنا ترانا متشابهيـن

وإن ما عمت أبصارنا القلوب اللي يعتمـون

يالكفيفة يالعفيفـة إن قلـت آسـف تقبليـن؟؟؟؟

يغفر اللهـ ذنوب عبدهـ ليا خطا وهـل تغفـرون

............
مع أطيب امنياتي وأزكاها لكل من يمر من هناا ..

يسلموووووووووووووووووووووووووو

يسلمووووووووووووووووو

احلى قروب عالمرور

يسلموووووووووو خيتوووو